പുഷ്ക്കരന്റെ ലോകം

പലതും അറിയുമ്പോള്‍ പ്രതികരിക്കണം എന്നു തോന്നും. പിന്നെ വിചാരിക്കും, എന്തിന്‌? ഞാന്‍ ഒരാള്‍ ഇങ്ങനെ പറഞ്ഞിട്ട്‌ എന്താകാന്‍ ? അങ്ങനെ ഒരുപാടു അടക്കിവെയ്ക്കുമ്പോളും ചിലപ്പോള്‍ ഒക്കെ ഹൃദയം ബുദ്ധിയെ തോല്‍പ്പിക്കും. അപ്പോളാണു ഈ ബ്ലോഗില്‍ ഒരു പുതിയ ഏട്‌ ഉണ്ടാകുന്നത്‌.

Saturday, December 09, 2006

പടത്തലവന്‍ കൂറുമാറുമ്പോള്‍

ഐ. ജി. ടോമിന്‍ തച്ചങ്കരിയുടെ ഭാര്യയുടെ ഉടമസ്ഥതയിലുള്ള കൊച്ചി റിയാന്‍ സ്റ്റുഡിയോയില്‍ നിന്നും വ്യാജ സിഡികള്‍ റെയ്ഡില്‍ പിടിച്ചെടുത്തു - വാര്‍ത്ത.

പുഷ്ക്കരന്‍ ഓര്‍മ്മയെ കുറച്ചൊന്നു പുറകോട്ട്‌ ഓടിച്ചു. രണ്ടു കൊല്ലം മുമ്പ്‌ മലയാളത്തിലെ ഏതു കാസെറ്റിലും മുഴങ്ങി കേട്ട ഒരു സന്ദേശം ഉണ്ടായിരുന്നു. വ്യാജന്മാര്‍ക്കെതിരെ ആന്റി പൈറസി വിഭാഗം മേധാവി ടോമിന്‍ തച്ചങ്കരി നടത്തുന്ന കുരിശു യുദ്ധത്തില്‍ പങ്കു ചേരാനുള്ള ആഹ്വാനം. പിന്നെയും ഒരു നാള്‍ ശ്രീമാന്‍ തച്ചങ്കരി അവര്‍കള്‍ സിനിമാലോകത്തെ അറിയപ്പെടുന്ന ചില താരങ്ങള്‍ക്കെതിരെ ഒളിയമ്പെയ്തു. തങ്ങളുടെ സിനിമകള്‍ റിലീസ്‌ ആകുമ്പോള്‍ മാത്രം വ്യാജന്മാര്‍ക്കെതിരെ ഇറങ്ങിതിരിക്കുന്ന ചില മാന്യന്മാര്‍ യഥാര്‍ത്ഥത്തില്‍ വ്യാജ സീഡി മാഫിയയുടെ പ്രൊമോട്ടര്‍മാരാണത്രെ.

ഏതായാലും തച്ചങ്കരിയുടെ കുരിശുയുദ്ധത്തില്‍ മനസ്സുകൊണ്ടെങ്കിലും പങ്കു ചേര്‍ന്ന പാവം ജനങ്ങള്‍ അറിഞ്ഞില്ലല്ലോ തങ്ങളുടെ പടത്തലവന്‍ ശത്രുപക്ഷത്തിന്റെ ചാരനാണെന്ന്.....

0 Comments:

Post a Comment

Links to this post:

Create a Link

<< Home