പലവക

പിണറായിയുടെ ബാഗില്‍ ഉണ്ടകണ്ടെത്തിയതാണു കഴിഞ്ഞയാഴ്ചത്തെ പ്രധാന വാര്‍ത്ത. കിട്ടിയ അവസരം പാഴാക്കാതെ ദൃശ്യ, പത്രമാദ്ധ്യമങ്ങള്‍ ഒക്കെ തങ്ങളുടെ ദൗത്യം പൂര്‍ത്തിയാക്കി. വെള്ളപൂശേണ്ടവരെ വെള്ളപൂശിയും കരിവാരിതേക്കേണ്ടവരെ കരിവാരിത്തേച്ചും അവര്‍ തങ്ങളുടെ കൂറ്‌ അറിയിച്ചു. ഒടുവില്‍ പഴി തിരുവനന്തപുരം വിമാനത്താവളത്തിലെ എക്സ്‌-റേ യന്ത്രത്തിന്‌. പാവം യന്ത്രം. അതിനു ട്രേഡു യൂണിയനും പ്രത്യയശാസ്ത്രവുമില്ലല്ലൊ.

പുഷ്കരനു ഉണ്ടായ സംശയം മറ്റൊന്നാണ്‌. പിണറായിയുടെ ഉദ്ദേശ്യശുദ്ധി അധികൃതര്‍ക്കു ബോധ്യപ്പെട്ടതു കൊണ്ടു ഇനി കേസും വഴക്കും ഒന്നും വേണ്ടെന്നു വെച്ചു. ഒരു സാധാരണക്കാരനു ഈ ജനാധിപത്യത്തില്‍ ഇങ്ങനെ ഒരു സൗകര്യം കിട്ടുമോ ?

ജോര്‍ജ്ജ്‌ ഓര്‍വെല്‍ 'ദി അനിമല്‍ ഫാമില്‍' പറഞ്ഞപോലെ ചില മൃഗങ്ങള്‍ക്കു കൂടുതല്‍ തുല്ല്യത ഉണ്ട്‌. കണിച്ചുകുളങ്ങര കേസിലെ മൃഗം സജുവിനുള്‍പ്പടെ.

കേരളസര്‍ക്കാരിന്റെ സിനിമ അവാര്‍ഡ്‌ പ്രഖ്യാപ്പിച്ചു - മികച്ച സംവിധായകന്‍ - ലെനിന്‍ രാജേന്ദ്രന്‍. പുഷ്കരന്റെ കമന്റ്‌ - "ആ പേരിനു തന്നെ കൊടുക്കണം ഒരു അവാര്‍ഡ്‌". ഇപ്പോള്‍ (അടുത്ത നാലുവര്‍ഷത്തിനുള്ളില്‍) അവാര്‍ഡ്‌ കിട്ടാനുള്ള ഫോര്‍മുല കിട്ടിയെന്നു പറഞ്ഞ്‌ പുഷ്കരന്‍ ത്രില്ലിലാണു.
സിനിമാപ്രേമികള്‍ ജാഗ്രതൈ !