പുഷ്ക്കരന്റെ ലോകം

പലതും അറിയുമ്പോള്‍ പ്രതികരിക്കണം എന്നു തോന്നും. പിന്നെ വിചാരിക്കും, എന്തിന്‌? ഞാന്‍ ഒരാള്‍ ഇങ്ങനെ പറഞ്ഞിട്ട്‌ എന്താകാന്‍ ? അങ്ങനെ ഒരുപാടു അടക്കിവെയ്ക്കുമ്പോളും ചിലപ്പോള്‍ ഒക്കെ ഹൃദയം ബുദ്ധിയെ തോല്‍പ്പിക്കും. അപ്പോളാണു ഈ ബ്ലോഗില്‍ ഒരു പുതിയ ഏട്‌ ഉണ്ടാകുന്നത്‌.

Wednesday, August 15, 2007

സ്വാതന്ത്ര്യം

ഇപ്പോള്‍ സ്വാതന്ത്ര്യദിനത്തിന്റെ പ്രാധാന്യം എന്താണ്‌ ? പുഷ്ക്കരന്‍ ചങ്ങാതിയോട്‌ ഒരു മണ്ടന്‍ ചോദ്യം ചോദിച്ചു. ദേശീയ പതാക പാറിച്ചുകൊണ്ട്‌ ഓടുന്ന വാഹങ്ങളെയും പല സൈസിലുള്ള പതാക വില്‍ക്കുന്ന വഴി വാണിഭക്കാരെയും ചൂണ്ടികാണിച്ചുകൊണ്ട്‌ ചങ്ങാതി പറഞ്ഞു. "ഇതു തന്നെ".

നമ്മുടെ ദേശീയതയുടെ മുഖ്യ അടയാളമായ ത്രിവര്‍ണ്ണപതാക കൈയ്യില്‍ വെയ്ക്കാനും വാഹനത്തില്‍ വെയ്ക്കാനുമുള്ള സ്വതന്ത്ര്യം ഓരോ പൗരനും കിട്ടുന്ന ദിവസം.

സ്വാതന്ത്ര്യ ദിനാഘോഷത്തിനായി പൗരന്മാരെ സ്റ്റേഡിയത്തിലേക്കു ക്ഷണിച്ചുകൊണ്ടുള്ള സര്‍ക്കാരിന്റെ കുറിപ്പ്‌ കണ്ടു. സുരക്ഷാകാരണങ്ങളാല്‍ മൊബൈല്‍ ഫോണ്‍, ക്യാമറ, കുട, ബാഗ്‌ മുതലായ വസ്തുക്കള്‍ അകത്തേക്കു പ്രവേശിപ്പിക്കുന്നതല്ല. ഭേഷ്‌, ഇത്രയും കാണുമ്പോള്‍ അവനവന്റെ വീട്ടില്‍ ആഘോഷിക്കുന്നതല്ലെ നല്ലത്‌ എന്നു ജനം ചിന്തിച്ചാല്‍ തെറ്റ്‌ പറയാനാകില്ല.

സ്വതന്ത്രമായി ആരേയും ഭയക്കാതെ സ്വാതന്ത്ര്യദിനം ആഘോഷിക്കുന്ന ഒരു കാലം ഇനി നമുക്കുണ്ടാകുമോ?

0 Comments:

Post a Comment

Links to this post:

Create a Link

<< Home